எடப்பாடி பழனிசாமி தலைமை இல்லாத அ.தி.மு.க.வை உருவாக்குவது தான் ஓ.பன்னீர்செல்வத்தின் திட்டம். அதற்காகத்தான் மாவட்டங்களில் சசிகலா, டி.டி.வி.தினகரன் ஆதரவாளர்களும் இணைந்து செயல்படும்படி ஓ.பன்னீர்செல்வம் வேண்டுகோள் விடுத்து இருந்தார். எப்படியாவது தனது தரப்பை பலப்படுத்த திட்டமிட்டுள்ள ஓ.பன்னீர் செல்வம், சசிகலா, டி.டி.வி.தினகரன் ஆகியோரையும் கட்சியில் சேர்த்துக் கொள்ள முடிவு செய்துள்ளார். இதற்காக சசிகலாவையும், டி.டி.வி.தினகரனையும் நேரில் சந்திக்கவும் திட்டமிட்டுள்ளார். இதுபற்றி ஓ.பன்னீர்செல்வம் கூறுகையில், "கட்சி நலன் கருதி, சசிகலா, டி.டி.வி.தினகரன் இருவரையும் விரைவில் சந்திப்பேன்" என்றார்.